Deseño de Produto
Deseño industrial, desenvolvemento técnico, prototipado e fabricación a pequena escala.
Servizos de deseño e fabricación á medida en Galicia
Especializacións
Deseño de Interiores
Planificación de espazos, reformas e adaptación de ambientes contract ou residenciais en Bertamiráns e Santiago.
Carpintaría e Forxa
Mobiliario á medida, estruturas de madeira, pezas metálicas artesanais e forxa artística en Betanzos e a área da Coruña.
Usuarios
Individual
Para particulares que precisan carpintaría personalizada e solucións de interiorismo únicas que non existen nas grandes superficies.
Profesional
Estudios e comercios que procuran optimizar o seu espazo ou mellorar o seu rendemento produtivo.
Industrial
Deseño e desenvolvemento de novos produtos que achegan valor de marca e diferenciación fronte á competencia.
Como traballamos
Comunicación
Traballamos moi próximo ao cliente para entender necesidades reais e acadar solucións prácticas.
Uso
Focalízamonos na experiencia de uso e na ergonomía para garantir aceptación e utilidade.
Formación
Equipo pluridisciplinar e formación continua para ofrecer solucións técnicas sólidas.
Sostibilidade
Priorizamos materiais reaproveitados e procesamentos de baixa pegada ambiental.
O equipo detrás do Gato Farto
Apaixonada polo deseño, curiosa e con moitas ganas de aprender do mundo que me rodea, formeime como deseñadora de produto e continuei formándome como deseñadora de interiores. Unha cativa que pasaba tardes enteiras creando diferentes mundos nos Sims e que a día de hoxe lle encanta facer o mesmo para persoas reais.
Dende neno interesado polo traballo manual e a curiosidade polos aspectos técnicos do que me rodea. Formado en electricidade e electrónica, e posteriormente cursado o Grao en Deseño Industrial e Desenvolvemento do Produto, para máis tarde realizar o Mestrado Universitario en Sistemas Aéreos Non Tripulados, posúo sólidos coñecementos en deseño complementados con sistemas tecnolóxicos.
Deseño local con visión industrial en Galicia
En esencia, somos dous amigos, da Galicia Profunda, con arraigo ás nosas raíces, e respectuosos coa contorna. Os nosos camiños atopáronse durante a nosa formación en Deseño Industrial, e máis tarde complementáronse con estudos técnicos de interiorismo por unha banda e procesos de fabricación manual pola outra.
A nosa motivación é aportar solucións individualizadas e específicas para cada usuario. Ofrecemos servizos integrais que van dende o deseño de interiores e planificación de espazos en Bertamiráns (Santiago), ata proxectos de carpintaría á medida, estruturas metálicas e forxa artesanal en Betanzos (A Coruña), cubrindo tamén o deseño gráfico e o desenvolvemento de calquera proxecto creativo.
Queremos aportar calidade de vida ás persoas, atendendo a aspectos como a funcionalidade e a durabilidade, xa que consideramos que iso implica despreocuparse da caducidade e obsolescencia. É por este motivo que nos gusta que o que facemos permita a adaptación e a reparación, de xeito que o noso traballo culmine nun modelo sostible de quilómetro cero.
O Gato Farto é un espazo creativo onde ti decides. Se buscas un estudio de deseño de interiores, carpintaría técnica ou forxa artesanal en Bertamiráns ou Betanzos, cóntanos: que necesitas?
Orzamentos e Consultas
Cóntanos a túa idea. Atendemos proxectos en Bertamiráns, Santiago, Betanzos, A Coruña e arredores.